/211/ Aristotele, Deus non agit in mundo sine corpore
coeli; illius igitur providentiam non gerit.
Respondeo negando consequentiam: Nam
coelum totaque natura, in operari, dependet
a Deo tanquam a causa prima et universali,
ut ab ipso Aristotele, 12. libro Primae Phitosophiae,
decretum est.
EXERCITATIO XXXIII
Subtilissima de Intelligentiis.
Cum adminiculo et ministerio Intelligentiarum
orbem a Deo regi voluerit
Aristoteles, de iisdem nonnulla enucleate
edissere operae pretium putavi;
adeo enim inepte et insulse de Illis commenti
sunt Scholastici ut eorum lectio
aut fastidium mihi aut certe stomachum
commoveat. Iccirco (Dux Sapientissime) ad
tui nominis memoriam sempiternam sic eas
depingo. Intelligentia dicta est a perfectione
illa, qua ducitur in amorem primae causae, cui
praesto semper est. Graece vocatur νους, latine
mens, quia est actus quidam. Earum duo
sunt ordines primarij: coelestis et supercoelestis.
Coelestis officium est suum movere
cuiusque orbem; supercoelestis assistit primae
causae ut eius iussu etiam procuret haec
inferiora, eorum rectioni praefecta atque conservationi:
Indice
|
Pagine introduttive |
|
EXERCITATIONES |